– सजन पुमा राई “स्ट्रगल”
अक्नि पुक्सिने योङ्निचो एन्छिची तोङ्याङ्सो
बुसीत बुसीत वाङ्ङिने मायाङ्कु एन्ला लाम्याङ्सो
रोदुङ्छा झाराङा पिस्सिने एन्बो एन्लादो
हङ्ङीने, चेएने, दुङ्ङीने अक्कु हेन्खामादो
खन्नाआ तलेसाङ्कु झारा ङालाई चिन्मा
ङाआ लेसुङ्याङ्कु खन्नालाई चिन्ना
चिन्मुयाङ्सो एन्ला झारा रोदुङ्छाआ सिन्मा
सिन्मा मत्तै पेए इतिहासदोछे छाप्मा
निम्नाचिआ पचायाङ्कु उम् केआछा चाआम्ने
निम्नाचिआ पमुयाङ्कु कामा केआछा मुऊम्ने
परिम्मिनयान्कु कामादो झारा अक्नीङसङ् फामुएने
चानीकु चाईन्कु तोङ्ङीकी अक्नीङसङ् मुऊम्ने चाआम्ने
अकपोङ्बो कपिमादो झारा केआछा तोक्सुम्ने
खोङ्नीयाङ्कु दोङ्दुम्ची झारा तोङ्ङीकी तङ्दुम्चम्ने
खिम्दो लाम्दोकुदो हेप्मुयाङ्सो पुक्सिने ।।
वर्ष १, अङ्क १, २०६४ असार।
