– अर्जुन पुमा
ङ्बो ङ्तान खोटाङ जिल्लाबो दिप्लुङ्ग गा.वि.स. सात नम्बर वार्ड बुकाप्मा नि पल्लि । ङा तोधोङे जन्म लिसोङ्किना दुःखा सुखा मुयाङ्सो, क ख रा खिप्याङ्सो पासु खाङ्सो, सङ् घासा मुसो पोरोङ् । २०६० साल बैशाखदोकु दुम, ङा ङ्बो असरा अÞङ्गोरुची चेन्सी निकिना खुलायात्नी पुक्दुङ्चङ् । चिनेखा निकु खुलाया तातुङ्चङ् पअङ् चेन्मालाई लेतुङ्पुक्सुङ्चङ् । ङा परङ् खुलाबो कचकदो युङाङाकु ओकदोकु उन्कु याक्साकोङ्दो वाङोङ्किना छेउदो युङ्सो किताब खिप्दोङ्याङ्कु ताना खापगरि ईप्सोङ्दाओङ् रैछ । अक्ता ङ्गोरु खाखुक्डाङाकु, तक्कुङे चेन्सो चेन्सो ताआकिना अÞङ्दाङ्दोङ्कङ् अÞङ्ढारङ्दो पखुक्डोङ् रैछ । पखुक्डोङ्ताना ङाना आहिप्प कान्लाई पधासोङ् रैछ । ङाआ पसिन्नङ् ।
कदाङ्मङ् ए अÞङ्तोङ्या छेका ताना ङाना आहिप्प कान्लादो धिओङ्ङेसोङ् । हात्नी ओह्यात्नि खाचोपोङ्छा साछा मेत्दङ्याङ्ची । पअङ् ङ्गोरु ढेमालाई अÞङ्चकदो युङाङाकु उन्कु लौरो कुप्मा लामुङ्ताना अÞङ्चुप् छि पवान्देन । पअङ् मर नम्मा लिसा निकिना ङ्ङालङ् हुसुङ्किना चोपुङ्ताना अÞङ्वास्सङ् रिवा ओताकिना बुङ्खादोङा तान्दाङेसा । छक्क लिसोङ्, नम्मा चिमा नम्मा चिमा लिसोङ्छा पेए । पङ् खाप्सुङ्ङेसुङ्कु अङ्सटङा मेन्री मेन्री हुतुङ्किना अङ्छि छिईङ्पङ् ङ्पोत्दो कक्सुङ् ।
तोन्पअङ् ङ्बेङ्छिआ अङ्किताब कुपुङ् पअङ् अङ्गोरुची वाक्सो वाक्सो खिम्दो तातुङ्चङ् किना वातवात लेतुङ्पुक्सुङ्चङ् । ङा परङ् ङ्कोठादो वाङोङ्किना इप्सोङ्ङेसोङ्कु ताना ङ्नाना ठूली कोठादो वाङाकिना नम्मा लिसा नि पसक्सोङ् । ङा परङ् रिमा ना खाप्मा लिसोङ्याङ् । ङाआ छा ओताकु अङ्रिवा खाङ्मेत्दुङ् ताना “ला ओबो ना धाआकिना करिवा ए ओता रैछ किना ओन छिटो ताआ” नि लिदिची । खोनपाआ धरानदो खिप्दाङाकु ङ्पक्का छे खिम्दोङे ताआङेसाक । तप्पलेआङे अक्ता योङ्नि लामाकिना खुन्सो पईतोङ्याङ्चङ्कु । ङा आफै लामतिमा रिङा निकिना लाम तिसो बेल्टार ताआनिन्का । बेल्टारदोङ्कङ् गाडीदो वाङनिन्का किना धरान घोपा क्याम्प अस्पताल ताआनिनका । ओताकु ङ्रिवाबो उपचार मेत्याङ्सो, ओक्तो चायाङ्सो ङा सुम मैना अÞङ्पक्काबो कडेरादो युङोङ् । अङ्रिवा निआपङ् खिम लिप्दोङ् । हेन्छा तक्कु तुकाकुदुम मित्दुङ्पाआ छक्याक् छक्याक् नि ङ्मिन्मा तुक । पअङ् तक्कु दुम देम्खाछा मान्मा केन्मा परिनङ् ।
बुङ्वाफोप्दो सुन्वा छुक् बुङ्वाबो कबुङ् न्हाप्सी कि
मेलापुङ्याङ् अÞङ्योङ्नि कनङ्वा तित् खाप्सि कि ।
वर्ष १, अङ्क १, २०६४ असार।
